గాంధీ జయంతి సందర్భంగా ఘన నివాళులు
రైల్వే కోడూరు ప్రజాసేవ
రైల్వేకోడూరు: జాతిపిత మహాత్మా గాంధీ జయంతిని పురస్కరించుకుని , ఆర్యవైశ్య సంఘం ఆధ్వర్యంలో టోల్గేట్ దగ్గర ఉన్న గాంధీ విగ్రహానికి పూలమాలలు వేసి ఘనంగా నివాళులర్పించారు. ఈ సందర్భంగా గాంధీజీ దేశానికి అందించిన సేవలను, అహింసా సిద్ధాంతాలను స్మరించుకున్నారు.
దేశ స్వాతంత్ర్య సాధనలో మహాత్మా గాంధీ పోషించిన కీలక పాత్రను కొనియాడుతూ, ఆయన ఆశయాలను ప్రతి ఒక్కరూ ఆచరించాలని పలువురు పిలుపునిచ్చారు. సమాజంలో శాంతి, సోదరభావం, ఐక్యతను పెంపొందించేందుకు గాంధీజీ చూపిన మార్గం ఆదర్శనీయమని పేర్కొన్నారు.
ఈ కార్యక్రమంలో , ఆర్యవైశ్య సంఘం ప్రతినిధులు, వాసవి క్లబ్ మరియు వనిత క్లబ్ సభ్యులు తదితరులు పాల్గొని మహాత్మా గాంధీజీకి ఘన నివాళులర్పించారు.