ప్రజాసేవలో ముద్దపోలు సభాపతి, ఆదర్శంగా జన్మదిన వేడుకలు
రైల్వేకోడూరు ప్రజా సీమ
పండ్లు, బ్రెడ్ల పంపిణీతో రోగులు, పారిశుద్ధ్య కార్మికులకు సేవా కార్యక్రమాలు* సామాజిక ఆరోగ్య కేంద్రంలో సీఎం చంద్రబాబు, డిప్యూటీ సీఎం పవన్ కళ్యాణ్ చిత్రపటాల ఆవిష్కరణ.*సాధారణ మెకానిక్ నుంచి జనసేన పార్లమెంట్ ఎన్నికల పరిశీలకుడి వరకు ఎదిగిన ప్రస్థానం* ప్రజాసేవే పరమావధిగా భావిస్తూ, కార్మికుల సంక్షేమం కోసం అహర్నిశలు శ్రమిస్తున్న జనసేన పార్టీ రాజంపేట పార్లమెంట్ ఎన్నికల పరిశీలక సభ్యులు ముద్దపోలు సభాపతి జన్మదిన వేడుకలు తిరుపతి జిల్లా రైల్వే కోడూరు పట్టణంలో బుధవారం అత్యంత అంగరంగ వైభవంగా నిర్వహించారు. ఆయన అభిమానులు, జనసేన నాయకులు, వీర మహిళలు పెద్ద ఎత్తున పాల్గొని సభాపతికి ఘనంగా జన్మదిన శుభాకాంక్షలు తెలిపారు.
*సేవా దృక్పథం చాటుకున్న వేడుకలు*
కేవలం కేక్ కటింగ్ వేడుకలకే పరిమితం కాకుండా సామాజిక బాధ్యతగా తన జన్మదినాన్ని నిర్వహించుకోవడంపై స్థానికులు హర్షం వ్యక్తం చేశారు. జన్మదినోత్సవంలో భాగంగా రైల్వే కోడూరు స్థానిక సామాజిక ఆరోగ్య కేంద్రం ను సభాపతి సందర్శించారు. ఆసుపత్రిలో ఇన్ పేషెంట్లుగా చికిత్స పొందుతున్న రోగులను పరామర్శించి, వారికి పండ్లు, బ్రెడ్లు అందజేశారు. ఆసుపత్రి పరిసరాలను పరిశుభ్రంగా ఉంచుతూ రోగులకు సేవలందిస్తున్న పారిశుద్ధ్య కార్మికుల సేవలను అభినందిస్తూ వారికీ కూడా ఆహార పదార్థాలను పంపిణీ చేశారు.
*సామాజిక ఆరోగ్య కేంద్రంలో నాయకుల చిత్రపటాల ఏర్పాటు*
ఈ పర్యటనలో భాగంగా సామాజిక ఆరోగ్య కేంద్రంలో రాష్ట్ర ముఖ్యమంత్రి నారా చంద్రబాబు నాయుడు మరియు ఉప ముఖ్యమంత్రి, జనసేనాని పవన్ కళ్యాణ్ ల చిత్రపటాలు లేకపోవడాన్ని సభాపతి గమనించారు. వెంటనే స్పందించి చిత్రపటాలను తెప్పించి, స్వయంగా దగ్గరుండి ఆసుపత్రి ఆవరణలో అమర్చారు. కూటమి ప్రభుత్వంపై, తమ నాయకులపై ఉన్న నమ్మకాన్ని, అభిమానాన్ని ఈ సందర్భంగా ఆయన పునరుద్ఘాటించారు.
*కష్టపడే తత్వమే ఎదిగేలా చేసింది*
ఒక సాధారణ మధ్యతరగతి కుటుంబంలో జన్మించిన ముద్దపోలు సభాపతి, ఒక సాధారణ మెకానిక్‌గా తన ప్రస్థానాన్ని ప్రారంభించారు. నిరంతరం ప్రజా సమస్యలపై స్పందిస్తూ, పలు వృత్తి సంఘాలు మరియు సామాజిక సంఘాలకు అధ్యక్షుడిగా ఎన్నికై శ్రమజీవుల శ్రేయస్సు కోసం పోరాడారు. అటు కార్మికుడిగా, ఇటు జనసేన పార్టీ పట్ల క్రమశిక్షణ, నిబద్ధత కలిగిన నాయకుడిగా ఎదుగుతూ నేడు రాజంపేట పార్లమెంట్ ఎన్నికల పరిశీలకుడి స్థాయికి చేరుకుని ప్రజల హృదయాల్లో ప్రత్యేక స్థానాన్ని సంపాదించుకున్నారు.మీ నమ్మకాన్ని ఎల్లవేళలా కాపాడుకుంటా: ముద్దపోలు సభాపతి* జన్మదిన వేడుకలను ఉద్దేశించి ముద్దపోలు సభాపతి భావోద్వేగంతో మాట్లాడుతూ
నాపై ఎనలేని ప్రేమాభిమానాలను చూపిస్తున్న నా అభిమానులకు, కుటుంబ సభ్యులకు, ఆప్తమిత్రులకు, జనసేన పార్టీ నాయకులకు, ప్రాణ సమానులైన వీర మహిళలకు పేరుపేరునా నా హృదయపూర్వక ధన్యవాదాలు. మీరు నాపై ఉంచిన నమ్మకమే నాకు కొండంత బలం. ఏ కష్టం వచ్చినా మీ వెంటే ఉంటూ, సమస్యల పరిష్కారంలో ఎప్పుడూ ముందు వరుసలో నిలబడే సేవకుడిగా ఉంటానని మాట ఇస్తున్నాను అని తెలిపారు.
ఈ వేడుకల్లో జనసేన పార్టీ ప్రముఖ నాయకులు, కార్యకర్తలు, వీర మహిళలు, అభిమానులు మరియు స్థానిక ప్రజలు విశేష సంఖ్యలో పాల్గొని సభాపతికి జన్మదిన శుభాకాంక్షలు తెలిపారు.